„კავკასიური სახლი“ ხაიშელი ბავშვებისთვის საჩუქრებს აგროვებს
თბილისი. „კავკასიური სახლი" იწყებს სოფელ ხაიში საშუალო სკოლისა და საბავშვო ბაღის ბავშვებისთვის საშობაო საჩუქრების შეგროვებას. „ვისაც სურვილი და საშუალება გაქვთ საშობაო დღესასწაული გავულამაზოთ ხაიშელ ბავშვებს, მოგვმართეთ. ვაგროვებთ საშობა ნაძვისხისა და პლიუშის პატარა სათამაშოებს სასაჩუქრე ფუთებისთვის, რომელსაც ჩავუტანთ ბავშვებს", ნათქვამია ორგანიზაციის გვერდზე სოციალურ ქსელში. კავკასიურ სახლში საჩუქრები გროვდება 20 დეკემბრამდე.
წყარო:ორგანიზაციის გვერდი სოციალურ ქსელში
