თბილისი. „ახალგაზრდა ადვოკატებმა" მთავრობის პროგრამის შესახებ განცხადება გაავრცელა. ორგანიზაცია „იმედს გამოთქვამს, რომ საქართველოს ახალი პრემიერ–მინისტრისა და განახლებული მთავრობის მცდელობები, ქვეყანაში განამტკიცდეს დემოკრატია და ადამიანის უფლებები, არასამთავრობო ორგანიზაციების ფართო ჩართულობის ფონზე განხორციელდება. ამ მიმართულებით, მთავრობა ყურადღებას დაუთმოს გადაწყვეტილებების მიღების დროს ახალგაზრდების ხედვებსა და ჩართულობას. ორგანიზაცია საჭიროდ მიიჩნევს, სახელმწიფომ მეტი გააკეთოს ახალგაზრდული პოლიტიკის პრინციპების განხორციელებისთვის, რომელიც ერთ–ერთი გამოკვეთილი ნიშანი – თანამონაწილეობას გულისხმობს", ნათქვამია ორგანიზაციის მიერ გავრცელებულ განცხადებაში.

წყარო:ორგანიზაციის გვერდი სოციალურ ქსელში