აჭარა. 26 ნოემბერს, პრესკაფისა და „თავისუფალ ჟურნალისტთა სახლის" ორგანიზებით შოთა გუჯაბიძის ფოტოგამოფენა  გაიმართა. ფოტოგამოფენის დროს წარმოდგენილი იქნა პროექტის ფარგლებში მომზადებული ფოტოგრაფის ვიდეო-პორტრეტი. ასევე მის მიერ შერჩეული ფილმი - „ცხელი ზაფხულის სამი დღე", რეჟისორი მერაბ კოკოჩაშვილი. აღნიშნული ფოტო გამოფენით დასრულდა პროექტის – „ხედვა დაბრკოლებებს მიღმა" – პირველი ნაწილი, რაც უშუალოდ ფოტოგრაფების ნამუშვრების საზოგადოებისთვის გაცნობას გულისხმობდა. მომდევნო ეტაპი აუქციონის ჩატარებაა, რომელიც პრესკაფეში უახლოეს მომავალში გაიმართება.
პროექტის მხარდამჭერია აჭარის ავტონომიური რესპუბლიკის განათლების, კულტურისა და სპორტის სამინისტრო. პროექტის მიზანია ბათუმში მოქმედი ფოტოხელოვანების პოპულარიზაცია.