შეხვედრები ზუგდიდის მუნიციპალიტეტის სოფლებში
სამეგრელო. პროექტის - „საზოგადოების ჩართულობა დემოკრატიული თვითმმართველობისათვის" - ფარგლებში 1 დეკემბერს შეხვედრები გაიმართა ზუგდიდის მუნიციპალიტეტის სოფლების კოკისა და ორსანტიას მოსახლეობასთან. შეხვედრაზე მიმოხილულ იქნა თვითმმართველობის დაგეგმილი რეფორმის ძირითადი საკითხები. პროექტის წარმომადგენლებმა მოიკვლიეს კონკრეტულ თემში არსებული პრობლემები, რომლებიც გათვალისწინებულ იქნება ზუგდიდის მუნიციპალიტეტის გამგეობის, საკრებულოსა და სხვა უწყებებისათვის შესათავაზებელ რეკომენდაციებში.
კოალიციური პროექტი ხორციელდება ასოციაცია „ათინათის", „საერთაშორისო გამჭვირვალობა-საქართველოს" ზუგდიდის ოფისისა და „სამოქალაქო მონიტორინგისა და კვლევების ცენტრის" კოალიციური პროექტის ფარგლებში.
წყარო:სამოქალაქო მონიტორინგისა და კვლევების ცენტრის გვერდი სოციალურ ქსელში
