საია ადგილობრივი თვითმმართველობის ორგანოებში კონკურსების შესახებ
თბილისი. საქართველოს ახალგაზრდა იურისტთა ასოციაციამ პარლამენტს წერილობითი დასკვნა წარუდგინა „საჯარო სამსახურის შესახებ" საქართველოს კანონში შესატანი ცვლილებების პროექტთან დაკავშირებით. „საკანონმდებლო ინიციატივა ითვალისწინებს ადგილობრივი თვითმმართველობის მოხელეების მოვალეობის შემსრულებლებისათვის უფლებამოსილების ვადის გახანგრძლივებასა და შესაბამისად, ვაკანტურ თანამდებობებზე კონკურსების ჩატარების ვადების გადაწევას, რაც სერიოზულ ზიანს აყენებს საჯარო სამსახურის სტაბილურობასა და ზოგადად, მის სამომავლო განვითარებას. ...მიგვაჩნია, რომ საქართველოს პარლამენტმა არ უნდა დააბრკოლოს ადგილობრივი თვითმმართველობის ორგანოებში არსებული ვაკანტური თანამდებობების კონსურსის წესით შევსება და უარი უნდა თქვას წინამდებარე კანონპროექტის მიღებაზე", ნათქვამია ორგანიზაციის ვებ-გვერდზე.
წყარო: gyla.ge
