თბილისი. ინფორმაციის თავისუფლების განვითარების ინსტიტუტმა შინაგან საქმეთა სამინისტროს სოციალურ ქსელ ფეისბუქის გვერდის შესახებ ინფორმაცია გაავრცელა. „სამინისტროს ფეისბუქ გვერდზე მოქმედებს გარკვეული შეზღუდვები. კერძოდ, ფეისბუქ გვერდს ჩართული აქვს მოდერაციის ფუნქცია, რომლის მეშვეობითაც გვერდის ადმინისტრატორი თავად წყვეტს მომხმარებელთა მიერ ე.წ „კედელზე" დატოვებული კომენტარებიდან რომელი გამოჩნდეს საჯაროდ. იმ შემთხვევაშიც თუ გვერდის ადმინისტრატორმა თანხმობა არ მისცა დაწერილი კომენტარის გამოქვეყნებას, მისი ავტორი მაინც ხედავს, რადგან თეორიულად იგი წაშლილი არ არის, უბრალოდ დამალულია გვერდის კონფიდენციალურობის პარამეტრების მეშვეობით. მათი გამოქვეყნება დამოკიდებულია ადმინისტრატორთა ნებაზე", ნათქვამია ორგანიზაციის გვერდზე.

წყარო: eparticipationge.wordpress.com