თბილისი. საქართველოს ჟურნალისტური ეთიკის ქარტიის საბჭოს ახალი თავმჯდომარე ჰყავს, 21 დეკემბერს ქარტიის წევრებმა, ერთი წლის ვადით, აირჩიეს ნათია კუპრაშვილი. ამ თანამდებობაზე მან გიორგი მგელაძე შეცვალა. ეთიკის ქარტიის წევრმა ჟურნალისტებმა ქარტიის საბჭოს 3 ახალი წევრი აირჩიეს. საბჭოს წევრები გახდნენ - თბილისის კვოტით ნინო ზურიაშვილი ("სტუდია მონიტორი") და რეგიონული მედიის კვოტით - ნინო ნარიმანიშვილი (გაზეთი "სამხრეთის კარიბჭე") და ირინა ყურუა (ტელეკომპანია "აჭარა"). ისინი სამი წლის ვადით აირჩიეს.

21 დეკემბერსვე ჟურნალისტური ეთიკის ქარტიის კონკურსის „ქარტიის პრიზის" გამარჯვებული ჟურნალისტები დაასახელდნენ.

წყარო:media.ge