აჭარა. 23 დეკემბერს, ბათუმის დემოკრატიული ჩართულობის ცენტრში, კვლევის პრეზენტაცია გაიმართა. „რომელია ნაკლებად ცნობილი მუზეუმი ბათუმში?" - ამ თემაზე სტუდენტებმა სპეციალური გამოკითხვა ჩაატარეს. კვლევის მიხედვით, ყველაზე მცირე ინფორმაცია მოსახლეობას ძმები ნობელების სახელობის ტექნოლოგიურ მუზეუმზე აქვს. პრეზენტაციის შემდეგ დისკუსია გაიმართა, სადაც წარმოდგენილი შედეგები ადგილობრივი სახელოვნებო დაწესებულებებისა და ამ კუთხით მომუშავე საზოგადოებრივი ორგანიზაციების წარმომადგენლებმა სტუდენტებთან ერთად განიხილეს.