კახეთი. 27 დეკემბერს, სიღნაღის ისტორიულ-ეთნოგრაფიულ მუზეუმში, არასამთავრობო ორგანიზაცია ,,სათემო განვითარების ცენტრის" წარმომადგენლებმა სიღნაღის ,,სახელოვნებო და საგანმანათლებლო მომსახურების ცენტრის" თანამშრომლებს ტრეინინგი ჩაუტარეს. ტრენინგის ძირითად თემას ურთიერთობის ხელოვნება წარმოადგენდა.

მაია ბიძინაშვილი, ტრენერი: ,,პროექტის მიზანია კახეთის რეგიონში ადგილობრივი თემის გააქტიურება და კულტურულ-საგანმანათლებლო პროგრამების განხორციელების ხელშეწყობა და მასში შესაბამისი დარგის სპეციალისტების ჩართულობის სტიმულირება".

შეხვედრა რეგიონალური პროექტის ,,სათემო ინიციატივების განვითარების ხელშეწყობა" ფარგლებში გაიმართა.