თბილისი. ახალგაზრდა მოხალისეები აქცია-პროექტს - „წიგნები მაღალმთიან სოფლებს" - ახორციელებენ. ღონისძიება მაღალმთიანი სოფლების სკოლების წიგნებითა და ბიბლიოთეკისთვის საჭირო ინვენტარით დახმარებას ითვალისწინებს. მოხალისეები მოუწოდებენ კერძო პირებსა, კომპანიებსა და ორგანიზაციებს, წვლილი შეიტანონ აქციის განხორციელებაში, იქნება ეს მატერიალური დახმარება თუ წიგნები, საკანცელარიო ნივთები ბიბლიოთეკისთვის. აქცია-პროექტის ფარგლებში ასევე გაიმართება საქველმოქმედო საღამოც, ღონისძიების შედეგად შეგროვებული თანხა წიგნების შეძენას მოხმარდება.

წყარო:ორგანიზაციის გვერდი სოციალურ ქსელში