„ექსტენციისა და საკონსულტაციო მომსახურეობის გაძლიერება“
აჭარა. 15 თებერვალს, ბათუმის დემოკრატიული ჩართულობის ცენტრში ახალი პროექტის პრეზენტაცია გაიმართა. პროექტის ფარგლებში სოფლის მეურნეობის სამინისტროს თანამშრომლები გადამზადების კურსს გაივლიან. სასწავლო პროგრამის საშუალებით მონაწილეები სასოფლო-სამეურნეო სფეროში ჩატარებულ სწავლებაში არსებულ თანამედროვე მეთოდებს გაეცნობიან. თებერვალ-მარტში სამინისტროს რაიონული საინფორმაციო-საკონსულტაციო სამსახურების 200-მდე თანამშრომელი გადამზადდება. პროექტი „ექსტენციისა და საკონსულტაციო მომსახურეობის გაძლიერება" (SEAS) ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით ხორციელდება.
