თბილისი. მარო მაყაშვილის აქამდე გამოუქვეყნებელი ჩანაწერები წიგნად გამოიცა. 19 წლის მოწყალების და, რუსეთის წითელ იმპერიასთან ბრძოლაში, 1921 წლის 19 თებერვალს, კოჯორში ყუმბარამ იმსხვერპლა. 23 თებერვალს მარო მაყაშვილი თბილისში, რუსთაველზე, სამხედრო ტაძრის ეზოში, საძმო საფლავში დაკრძალეს.

„მარო მაყაშვილის დღიურები გადმოგვცემს საქართველოს ხანმოკლე დამოუკიდებლობის პერიოდს...", ნათქვამია ლიტერატურის მუზეუმის ვებგვერდზე სოციალურ ქსელში. ახალი გამოცემა სწორედ ლიტერატურის მუზეუმმა გამოსცა. აღნიშნული ჩანაწერები დღემდე დაკარგულად ითვლებოდა, იგი მწერალ ანა ღვინიაშვილის არქივში აღმოჩნდა.

წყარო: ლიტერატურის მუზეუმის ვებგვერდი