თბილისი. 28 თებერვალს არასამთავრობო ორგანიზაციებისა და საზოგადოების წარმომადგენლებმა სოლიდარობის აქცია გამართეს სახელმწიფო კანცელარიასთან მუშების უფლებების დასაცავად.

საზოგადოების სხვადასხვა ჯგუფის წარმომადგენლები მოითხოვენ, რომ შრომის, ჯანმრთელობისა და სოციალური დაცვის სამინისტრომ ეფექტურად განახორციელოს კანონით დაკისრებული ვალდებულება მედიაციის თაობაზე და უზრუნველყოს პროცესის სამართლიანად წარმართვა; ასევე მთავრობამ და საკანონმდებლო ორგანომ არსებითად გადახედოს პოლიტიკას შრომითი უფლებების დაცვის მიმართულებით და შეიმუშაოს მათი დაცვის მაღალი სტანდარტები და მექანიზმები.