„წიგნები მაღალმთიან სოფლებს“ - ვიდეო-მიმართვები
თბილისი. პროექტის - „წიგნები მაღალმთიან სოფლებს" - ფარგლებში საინიციატივო ჯგუფმა ვიდეო-მიმართვები გაავრცელა. ეროვნული ბიბლიოთეკის დირექტორი, რეჟისორები, პოეტები და ჟურნალისტები მიმართვებში პროექტის მნიშვნელობაზე საუბრობენ და საზოგადობას საქველმოქმედო აქციაში ჩართვისკენ მოუწოდებენ. „წიგნები მაღალმთიან სოფლებს" - აქცია-პროექტს ახალგაზრდა მოხალისეები ახორციელებენ. ღონისძიება მაღალმთიანი სოფლების სკოლების წიგნებითა და ბიბლიოთეკისთვის საჭირო ინვენტარით დახმარებას ითვალისწინებს.
პროექტისთვის წიგნის გაღება ნებისმიერ მსურველს შეუძლია, წიგნის მაღაზია „ბუქ სითიში" და კაფე-ბარ „არსადში" წიგნებისთვის სპეციალური ყუთებია განთავსებული.
მიმართვები
წყარო:ორგანიზაციის გვერდი სოციალურ ქსელში
