მრგვალი მაგიდა ქალთა პოლიტიკურ პროცესებში მონაწილეობის შესახებ
თბილისი. 10 მარტს, სასტუმრო „რედისონში" ქალთა პოლიტიკურ პროცესებში მონაწილეობის შესახებ მრგვალი მაგიდა გაიმართა. შეხვედრაზე განიხილეს გასულ არჩევნებში ქალთა მონაწილეობა, ასევე პოლიტიკურ პროცესებში ქალთა მონაწილეობის ხელშემწყობი სტრატეგიები და ადგილობრივი თვითმმართველობის არჩევნებში ქალთა მონაწილების წახალისების გეგმები. ღონისძიებაში საქართველოს აღმასრულებელი და საკანონმდებლო ხელისუფლების, დედაქალაქის საკრებულოს, არასაპარლამენტო ოპოზიციის, საერთაშორისო და ადგილობრივი არასამთავრობო ორგანიზაციების წარმომადგენლები მონაწილეობდნენ. შეხვედრა ნიდერლანდების ინსტიტუტის მრავალპარტიული დემოკრატიისათვის (MIND), საარჩევნო სისტემების საერთაშორისო ფონდისა (IFES) და ეუთოს დემოკრატიული ინსტიტუტებისა და ადამიანის უფლებების ოფისის (OSCE/ODIHR) ორგანიზებით ჩატარდა.
წყარო: საარჩევნო გარემოს განვითარების ცენტრი, ორგანიზაციის გვერდი სოციალურ ქსელში
