აჭარა. 12 მარტს, სამოქალაქო საზოგადოების ინსტიტუტისა და ქედის საზოგადოებრივი დარბაზის ორგნიზებით საჯარო შეხვედრა გაიმართა. შეხვედრას ადგილობრივი ხელისუფლების წარმომადგენლები, დარბაზის წევრები და დაინტერესებული მოსახლება ესწრებოდა. შეხვედრაზე განხილეს სოფლის მხარდაჭერის პროგრამის პრიორიტეტები და ის შედეგები, რაც ადგილობრივი მოსახლეობის გამოკითხვისას სოფლის განვითარებისთვის აუცილებელ და მნიშვნელოვან საკითხად იყო მიჩნეული. შეხვედრა დისკუსიის რეჟიმში გაგრძელდა, სადაც დამსწრე აუდიტორიამ თავიანთი შენიშვნები და რეკომენდაციები დააფიქსირეს.