„მართლმსაჯულების განახლებული სტრატეგია ბავშვებისათვის“
თბილისი. საქართველოში აშშ–ის საერთაშორისო განვითარების სააგენტომ სოციალურ ქსელში განცხადება გაავრცელა. „ჩვენი Facebook გვერდის მომხმარებლებმა უკვე იციან, რომ მიმდინარე წლის 11 მარტს სისხლის სამართლის რეფორმის უწყებათაშორისმა საკოორდინაციო საბჭომ დაამტკიცა მართლმსაჯულების განახლებული სტრატეგია ბავშვებისათვის. სტრატეგიის ძირითადი ამოცანაა კანონთან კონტაქტში მყოფი ყველა ბავშვისათვის კეთილგანწყობილი მართლმსაჯულების სისტემის შექმნა. კერძოდ, განახლებული სტრატეგია ითვალისწინებს ბავშვებთან დაკავშირებული კანონმდებლობის გადასინჯვას, მართლმსაჯულების სფეროს პროფესიონალების სპეციალიზაციას, ბავშვისადმი კეთილგანწყობილი გარემოს შექმნას და კანონთან კონტაქტში მყოფი ბავშვების შესახებ მონაცემთა სისტემის შემუშავებას. დეტალური ინფორმაცია აღნიშნული სტრატეგიის შესახებ ახლო მომავალში ვებ გვერდზე გამოქვეყნდება - unicef.ge".
წყარო:ორგანიზაციის გვერდი სოციალურ ქსელში
