„საჯარო ინფორმაცია“ - შეხვედრა „თაობათა დიალოგში“
იმერეთი. კლუბ „თაობათა დიალოგში" „ღია თვითმმართველობის" პროგრამის რიგით მესამე შეხვედრა „საჯარო ინფორმაციას" დაეთმო. შეხვედრაზე მოწვეული იყო საიას ქუთაისის ფილიალის თავმჯდომარე, რომელმაც პროგრამის მონაწილეებთან დაწვრილებით განიხილა საქართველოს ზოგადი ადმინისტრაციული კოდექსის მესამეთავი.
„ღია თვითმმართველობის" წევრებს მსგავსი ტიპის შეხვედრები 2 თვის განმავლობაში კვირაში 2-ჯერ უტარდებათ, ორი თვის შემდეგ კი პროგრამის მონაწილეები მერიის სტრუქტურის მიხედვით დაკომპლექტდებიან, რაც იმას გულისხმობს, რომ თითოეულ „ღია თვითმმართველობის" წევრს ექნება განსაზღვრული თანამდებობა.
წყარო:ორგანიზაციის გვერდი სოციალურ ქსელში
