თბილისი. კონკურსი „ალიანტე 2014" იწყება. მისი მიზანი ახალგაზრდებში ჩრდილო–ატლანტიკური ხელშეკრულების ორგანიზაციაზე (ნატო), უსაფრთხოების პოლიტიკასა და საერთაშორისო საქმიანობის შესახებ ცნობიერების ამაღლებაა. კონკურსი ცოდნაზე დაფუძნებული 2 რაუნდისგან შედგება, მეორე რაუნდში გამარჯვებული საუკეთესო გუნდები კი ერთმანეთს ფიზიკურ გამძლეობაში შეეჯიბრებიან საერთაშორისო ფინალზე, რომელიც სლოვაკეთში, ლეშტის საწვრთნელ ბაზაზე ჩატარდება. გამარჯვებულებს პრიზად გადაეცემათ გერმანიაში მოგზაურობა, რომლის განმავლობაშიც ეწვევიან სამხედრო ბაზებს, შეხვდებიან სამხედრო და პოლიტიკურ ლიდერებს, მოინახულებენ ისტორიულ ადგილებს და ა.შ. კონკურსში მონაწილეობას მიიღებენ ახალგაზრდები კანადიდან, ხორვატიიდან, ჩეხეთის რესპუბლიკიდან, დანიიდან, საქართველოდან, ლატვიიდან, მაკედონიიდან, მონტენეგროდან, პოლონეთიდან, სლოვაკეთიდან, უკრაინიდან, შვედეთიდან და თურქეთიდან.

წყარო: www.project-aliante.org