თბილისი. 16 აპრილს, არასამთავრობო ორგანიზაციამ „კონსტიტუციის 42-ე მუხლმა" პრესკონფერენცია გამართა. ორგანიზაციის წარმომადგენლებმა ისაუბრეს სამხრეთ ოსეთის ე.წ. ადმინისტრაციულ საზღვართან მდებარე - სოფელ ატოცში მავთულხლართების გავლების შედეგად დაზარალებულთა ინტერესების დასაცავად ევროსასამართლოსათვის მიმართვის შესახებ. 

პრესკონფერენციაზე ორგანიზაციამ შეშფოთება გამოთქვა  TV 3-ის ჟურნალისტ ბელა ზაქაიძის, ოპერატორ ვახო ლეკიაშვილისა და ტექნიკური თანამშრომლის მიხეილ მიხოევის რუსი სამხედროების მიერ თავისუფლების აღკვეთის ფაქტზე და მოუწოდა ხელისუფლებას, ყველა ზომას მიმართოს მათ გასათავისუფლებლად.

წყარო: ორგანიზაციის გვერდი სოციალურ ქსელში.