IDFI ფინანსთა სამინისტროს სასამართლოში უჩივის
თბილისი. 2014 წლის 17 აპრილს IDFI-მ ფინანსთა სამინისტროს წინააღმდეგ შეიტანა სარჩელი ქ. თბილისის საქალაქო სასამართლოში.
„მანამდე, 2014 წლის 17 მარტს ინსტიტუტმა ადმინისტრაციული საჩივრით მიმართა ფინანსთა სამინისტროს, ხოლო 2014 წლის 28 მარტს სამინისტროს 08-02/20572 პასუხით ინსტიტუტს ეცნობა, რომ უარი ეთქვა ადმინისტრაციული საჩივრის განხილვაზე, რამდენადაც დავა სასამართლოს განსჯადია. შეგახსენებთ, რომ ადმინისტრაციული საჩივრის წარდგენის, შემდგომ კი სასამართლოში სარჩელის შეტანის წარდგენის საფუძველი გახდა სამინისტროს მხრიდან არასრული, არაკლასიფიცირებული ინფორმაციის მიღება. მოწოდებული ინფორმაციის დიდი ნაწილი არ არის წარმოდგენილი იმ სახით, რა სახითაც IDFI-მ მოითხოვა. თხუთმეტი მოთხოვნიდან სამინისტრომ სრულყოფილად უპასუხა მხოლოდ ხუთ მოთხოვნას. დანარჩენ ორ საკითხზე ადმინისტრაციულმა ორგანომ ინფორმაცია არ გასცა", ნათქვამია ორგანიზაციის მიერ გავრცელებულ ინფორმაციაში.
წყარო: opendata.ge
