თბილისი. 13-17 აპრილს საქართველოს ახალგაზრდა ეკონომისტების მიერ დაარსებულმა „ბიზნესსაკონსულტაციო ქსელმა - საქართველომ” (BNCG) უმასპინძლა დელეგაციას ესტონეთიდან სოციალური მეწარმეობის განვითარების მიმართულებით გამოცდილების გაზიარების მიზნით.

დელეგაცია, რომელიც შედგებოდა 6 პირისგან (ექსპერტები/სოც. საწარმოების წარმომადგენლები), შეხვდნენ საქართველოში სოციალური საწარმოების განვითარებაზე მომუშავე ორგანიზაციებს, მათ შორის: ევრაზიის თანამშრომლობის ფონდს, CSRDG-ის, People in Need-ს და სხვა ორგანიზაციებს. დელეგაციის წევრები ასევე იმყოფებოდნენ 10-მდე სოციალურ საწარმოში თბილისში და სხვადასხვა რეგიონებში. გამოცდილების გაზიარების გარდა, დაიგეგმა კონკრეტული მიმართულებები, რომლებზეც იმუშავებენ ესტონელი პარტნიორები და „ბიზნესსაკონსულტაციო ქსელი - საქართველო”, რათა სოციალური მეწარმეობა კიდევ უფრო მეტად განვითარდეს საქართველოში.

წყარო: ორგანიზაციის ვებგვერდი სოციალურ ქსელში