„მობილური ბიბლიოთეკა“ დევნილთა დასახლებებში
შიდა ქართლი. საქველმოქმედო ჰუმანიტარული ცენტრი „აფხაზეთი" 1 ოქტომბრიდან ახოციელებს პროექტს „მობილური ბიბლიოთეკა". პროექტი გულისხმობს სხვადასხვა წიგნებითა და ინტელექტუალური სამაგიდე თამაშებით აღჭურვილი მიკროავტობუსის ვიზიტს შიდა ქართლის დევნილთა სამ დასახლებაში: კარალეთში, სკრასა და ბერბუკში. მიკროავტობუსი 3 თვის განმავლობაში კვირაში ერთხელ ესტუმრება დასახლებების მაცხოვრებლებს. პროექტში 3-დან 25 წლამდე ასაკის ბავშვები და ახალგაზრდები მიიღებენ მონაწილეობას.
პროექტის განხორციელება შესაძლებელი გახდა ფინელი ქალბატონის - ტარია რანტალას - ინიციატივით გაღებული შემოწირულობით.
წყარო: chca.org.ge
