თბილისი. მედიის თავისუფლების საკითხებში ეუთოს წარმომადგენლის ოფისი 11-12 ოქტომბერს სამხრეთ კავკასიის  ქვეყნების კონფერენციას გამართავს. კონფერენციის თემაა „ტრადიციულიდან ონლაინ მედიამდე – გამოცდილება და პერსპექტივა”.

კონფერენციაში მონაწილეობას მიიღებს 80-ზე მეტი წარმომადგენელი სომხეთიდან, აზერბაიჯანიდან და საქართველოდან, რომელთა შორის იქნებიან ჟურნალისტები, საერთაშორისო ექსპერტები, სამოქალაქო სექტორის წარმომადგენლები და მეცნიერები.

კონფერენციის პირველ დღეს საერთაშორისო და ადგილობრივი მედია ექსპერტები სოციალური და ონლაინ მედიის საერთაშორისო სტანდარტებზე ისაუბრებენ. მეორე დღეს განიხილება სამივე ქვეყნის მედიის მიღწევები.

წყარო: media.ge