„გააგრძელე ისტორია“: ფოტოკონკურსი
იმერეთი. ორგანიზაცია „იმპულსი 91-ის" პროექტის „გააგრძელე დისკუსიის" ფარგლებში ჩატარდა ფოტოკონკურსი, რომლის მთავარი თემა ადამიანის უფლებები, კონკრეტულად კი განსხვავებული ადამიანების თანაცხოვრება იყო.
ფოტოკონკურსის ფაგრლებში შემოსული 50–მდე ნამუშევრიდან შეირჩა 12 ფოტოსურათი, რომელთა გამოფენაც 22 მაისს, ქუთაისში თეთრ ხიდზე მოეწყო.
ორგანიზაციის ხელმძღვანელის ქრისტინე მაღლაკელიძის თქმით, კონკურსში 50-მდე ფოტო შევიდა, რომლიდანაც სამმა გაიმარჯვა. გამარჯვებული ფოტოები სატრანსპორტო საშუალებებზე ერთი თვის განმავლობაში განთავსდება, დაჯილდოვება კი 26 მაისს გაიმართება.
პროექტის „გააგრძელე დისკუსია" ხორციელდება ორგანიზაცია ფონდი "ღია საზოგადოება საქართველოს მხარდაჭერით.
