თბილისი. საქართველოს ახალგაზრდა იურისტთა ასოციაციამ ბლოგპოსტი - „როგორ ინიშნებიან საქართველოში მოსამართლეები?" - გამოაქვეყნა. „გასული კვირა მნიშვნელოვანი მოვლენით დაიწყო - საქართველოს იუსტიციის უმაღლესმა საბჭომ საქართველოს მასშტაბით მოსამართლის 34 ვაკანტური ადგილის დასაკავებლად  კანდიდატებს უყარა კენჭი.    თუმცა, თითქმის არც ერთი მედია საშუალება ამ ამბით არ დაინტერესებულა.     შესაბამისად, მოქალაქეებმა არაფერი იციან იმის შესახებ, რომ 27 მაისს ის ადამიანები შეირჩნენ, რომელთა ხელშიც, შესაძლოა, უახლოეს მომავალში, მათი ბედის ან მთელი საზოგადოებისათვის მნიშვნელოვანი საკითხების გადაწყვეტა აღმოჩნდეს", ნათქვამია ბლოგპოსტში.

წყარო: gyla.ge