სამეგრელო. 7 ივნისს, ცენტრ „აფხაზეთის" მიერ გორის მუნიციპალიტეტის სოფლების სკოლებში შექმნილი მათემატიკის კლუბების მოსწავლეები ესტუმრნენ ზუგდიდს. ვიზიტი გაიმართა პროექტის „ახალგაზრდების მონაწილეობა და განვითარება" (პროექტი დაფინანსებულია USAID-ის მიერ და ხორციელდება UNICEF-ის მხარდაჭერით) ფარგლებში. მათი მასპინძელი იყო პარტნიორ ორგანიზაცია - „ათინათი".
მცირე კულტურული პროგრამის შემდეგ, „ათინათის" ოფისში გაიმართა შეჯიბრი მათემატიკაში. მასში მონაწილეობას იღებდა 10 მოსწავლე სტუმართაგან და 19 მასპინძლებისგან. შეჯიბრი ჩატარდა 5 გუნდს შორის. გუნდები ჩამოყალიბდნენ უშუალოდ პაექრობის დასაწყისში და თითოეულ მათგანში შედიოდნენ როგორც მასპინძელი, ასევე სტუმარი მოსწავლეები.
შეჯიბრი მატად სახალისო იყო და მოითხოვდა ზოგადად ლოგიკურ აზროვნებასა და მათემატიკური გამოთვლების კარგ ცოდნას.