თბილისი. 14 ივნისს „საქართველოს ბანკის მომავლის ფონდისა" და არასამთავრობო ორგანიზაცია „პირველი ნაბიჯი საქართველოს" ინიციატივით აღინიშნა შეზღუდული შესაძლებლობის მქონე პირთა დაცვის ეროვნული დღე.
ღონისძიების ფარგლებში წარმოადგინეს - „პირველი ნაბიჯი საქართველოს" დღის ცენტრის ბენეფიციარების მიერ შექმნილი ნახატების გამოფენა, კოსტიუმირებული შოუ, მხიარული კომიქსების გაფერადება, მხიარული ცეკვა, შეჯიბრი, სახეების მოხატვა და ა.შ.
ღონისძიების მიზანი იყო განსაკუთრებული საჭიროების მქონე ბავშვებისა და მოზარდების სოციალური ინტეგრაციის ხელშეწყობა.
დღესასწაულს ესწრებოდნენ „პირველი ნაბიჯი საქართველოს" ბენეფიციარები სხვადასხვა პროგრამიდან, ასევე მოწვეული სტუმრები სხვა დღის ცენტრებიდან მათი ოჯახის წევრები, მეგობრები, მოხალისეები.
წყარო: ორგანიზაციის გვერდი სოციალურ ქსელში