მცხეთა-მთიანეთი. არასამთავრობო ორგანიზაციამ „ნაბიჯი წინ" ბარისახოს სკოლაში განახლებული ბიბლიოთეკა გახსნა. ორგანიზაციამ პროექტის - „წიგნები მაღალმთიან სოფლებს" - ფარგლებში სკოლის ბიბლიოთეკა და სამკითხველო დარბაზი გაარემონტა და თანამედროვე ლიტერატურა გადასცა.
„ნაბიჯი წინ" ბარისახოს საჯარო სკოლისთვის წიგნებს ოთხი თვის განმავლობაში აგროვებდა. „წიგნები მაღალმთიან სოფლებს" წიგნებს საქართველოს სხვა მაღალმთიანი სოფლების სკოლებსაც გადასცემს. პროექტში მონაწილეობა ნებისმიერ მსურველს შეუძლია.