თბილისი. ახალგაზრდული ასოციაცია „დრონის" ორგანიზებით 11, 12 და 13 ივლისს თბილისის ველოკვირეული ჩატარდება.
ღონისძიების პროგრამა:
პარასკევი 11 ივლისი - კრიტიკული მასა, სადაც მონაწილეები ქალაქის მძღოლებს თავიანთი მასიური ქაოტური მოძრაობით აძლევენ ერთგვარ სიგნალს, რომ განიტვირთოს ქალაქი და ერთნაირად კომფორტული გახდეს როგორც მანქანებით, ასევე ველოსიპედებით გადასაადგილებლად.
შაბათი 12 ივლისი - ანტი-ნარკოტიკული მარათონი, რომელიც მიზნად ისახავს მოუწოდოს ახალგაზრდებს ჯანსაღი ცხოვრების წესისკენ. მარათონის დისტანცია იქნება 15-25 კილომეტრიანი დისტანცია თბილისის ცენტრში, პარკებისა და მდინარე მტკვრის მიმდებარე ტერიტორია.შაბათს ველოკვირეულზე მოსულ სტუმრებს, მარათონის მონაწილეებსა და სხვა ადამიანებს საშუალება ექნებათ დარჩნენ და მონაწილეობა მიიღონ ღამის გასართობ აქტივობებში. შესაძლებელი იქნება ასევე კარვებით დარჩენა .
კვირა 13 ივლისი- ჩატარდება შეჯიბრებები.
ველოკვირეულს დაასრულებს კინოჩვენება ღია ცის ქვეშ და ოჯახური პიკნიკი.

წყარო: ორგანიზაციის გვერდი სოციალურ ქსელში