დისკუსია – სამოქალაქო აქტივობა თვითმმართველობის არჩევნებში
აჭარა. 20 ივნისს, ბათუმის დემოკრატიული ჩართულობის ცენტრში გაიმართა დისკუსია – „სამოქალაქო აქტივობა თვითმმართველობის არჩევნებში" . ადგილობრივი არჩევნების მნიშვნელობაზე, მოქალაქეების როლსა და კანდიდატთა აქტივობაზე დამსწრე აუდიტორიას ნიდერლანდების ინსტიტუტის მრავალპარტიული დემოკრატიისთვის წარმომადგენელი, თავისუფალ ჟურნალისტთა სახლის ხელმძღვანელი და კავკასიის კვლევითი რესურსების ცენტრის მკვლევარი ესაუბრნენ. მათი თქმით, თვითმმართველობის არჩევნებში მოქალაქეების როლი განსაკუთრებით მნიშვნელოვანია და ყოველმა მათგანმა კანონით მინიჭებული უფლება უნდა გამოიყენოს.
