თბილისი. საკონსტიტუციო სასამართლომ არაკონსტიტუციურად ცნო უცხო ქვეყნის მოქალაქეების მიერ სასოფლო–სამეურნეო დანიშნულების მიწების შეძენაზე დაწესებული დროებითი აკრძალვა, ნათქვამია საერთაშორისო გამჭვირვალობა – საქართველოს ვებგვერდზე.

საკონსტიტუციო სასამართლოში სარჩელი საერთაშორისო გამჭვირვალობა – საქართველოს ჰქონდა წარდგენილი. „საკონსტიტუციო სასამართლომ არაკონსტიტუციურად ცნო უცხო ქვეყნის მოქალაქეების მიერ სასოფლო-სამეურნეო დანიშნულების მიწების შეძენაზე საქართველოს პარლამენტის მიერ 2014 წლის 31 დეკემბრამდე გამოცხადებული მორატორიუმი (დროებითი აკრძალვა), რადგან  იგი ეწინააღმდეგებოდა საქართველოს კონსტიტუციის 21-ე მუხლს, რომლის მიხედვითაც საკუთრების და მემკვიდრეობის უფლება აღიარებული და ხელშეუვალია,  ასევე,  დაუშვებელია საკუთრების, მისი შეძენის, გასხვისების ან მემკვიდრეობით მიღების საყოველთაო უფლების გაუქმება", ნათქვამია ორგანიზაციის ვებგვერდზე.

წყარო: transparency.ge