გაცვლითი პროგრამა ახალგაზრდებისთვის უნგრეთში
იმერეთი. სამეცნიერო-ინტელექტუალური კლუბის „თაობათა დიალოგის" წარმომადგენლებმა მონაწილეობა მიიღეს გაცვლით პროგრამაში, რომელიც გალიატეტოში (უნგრეთი) გაიმართა. გაცვლითი პროგრამა სახელწოდებით „Guides on the road again" მიზნად ისახავდა ახალგაზრდებში ისეთი უნარ-ჩვევების გამომუშავებას, რომლებიც მათ სოციალურად რთულ გარემოში მისცემდათ არსებობის საშუალებას.
გაცვლითი პროგრამაში მონაწილეობა მიიღეს სლოვაკეთის, უნგრეთის, სომხეთის, რუმინეთის, პორტუგალიის, საფრანგეთის, იტალიისა და მოლდოვას წარმომადგენლებმა და იგი ორგანიზებული იყო უნგრული ორგანიზაცია „ACADEMY OF EXPERIENCE HUNGARY” მიერ „ახალგაზრდობა მოქმედებაში” პროგრამის ფარგლებში.
წყარო: ორგანიზაციის გვერდი სოციალურ ქსელში
