საერთაშორისო გამჭვირვალობა მიესალმება ასოცირების შეთანხმების ხელმოწერას
თბილისი. საერთაშორისო გამჭვირვალობა – საქართველო მიესალმება ისტორიულ შეთანხმებას საქართველოსა და ევროკავშირს შორის.
„ასოცირების შეთანხმება უმნიშვნელოვანესი ნაბიჯია საქართველოს ევროპული ინტეგრაციის გზაზე და ევროკავშირსა და საქართველოს შორის ურთიერთობებში არსებითად ახალი ეტაპის დაწყებას მოასწავებს. ...ამავე დროს, ასოცირების შეთანხმება უდიდეს პასუხისმგებლობას აკისრებს საქართველოს ხელისუფლებას, სამოქალაქო საზოგადოებას, ბიზნესის სექტორს, მედიას და სხვა ჯგუფებს, რადგანაც შეთანხმებით გათვალისწინებული ვალდებულებების შესრულება და ევროკავშირის სტანდარტებთან მიახლოება საზოგადოების კოლექტიურ ძალისხმევას მოითხოვს", ნათქვამია განცხადებაში.
წყარო: transparency.ge
