„ათინათი“ მესტიაში სამოქალაქო კლუბების ჩამოყალიბებაზე მუშაობს
სამეგრელო–ზემო სვანეთი. საზოგადოებრივმა ორგანიზაციამ „ათინათმა" 14 ოქტომბერს, მესტიაში, პროექტის „სამოქალაქო განათლებისა და პედაგოგთა გადამზადების პროგრამის" ფარგლებში მოაწყო სამუშაო შეხვედრა პედაგოგებთან.
პროექტის კოორდინატორმა გია ხასიამ ისაუბრა სამოქალაქო საზოგადოების გაძლიერების მიზნით, სამოქალაქო კლუბების გააქტიურების მნიშვნელობაზე. პედაგოგებმა მიიღეს კონსულტაციები მცირე გრანტების კონკურსის შესახებ. პროექტი ამერიკის შეერთებული შტატების განვითარების სააგენტოს ფინანსური მხარდაჭერით ხორციელდება და ითვალისწინებს სამოქალაქო კლუბების, მცირე გრანტების და სოციალური მედიის განვითარებას.
