საჯარო ინფორმაციის პროაქტიული გამოქვეყნების სტანდარტები
თბილისი. ინფორმაციის თავისუფლების განვითარების ინსტიტუტის ინფორმაციით, საქართველოს ეროვნული უშიშროების საბჭომ საჯარო ინფორმაციის პროაქტიულად გამოქვეყნების წესი შეიმუშავა. ამ საკითხში საბჭოს მნიშვნელოვანი დახმარება ინფორმაციის თავისუფლების განვითარების ინსტიტუტმა (IDFI) გაუწია, რომელთანაც საბჭომ 2014 წლის 24 ივნისს ურთიერთთანამშრომლობის მემორანდუმი გააფორმა.
ახალი წესის მიხედვით, ნებისმიერ პირს ექნება საშუალება უშიშროების საბჭოს აპარატიდან გამოითხოვოს საჯარო ინფორმაცია აპარატის საქმიანობის შესახებ, ის ასევე განსაზღვრავს საჯარო ინფორმაციის აპარატის ელექტრონულ რესურსზე განთავსების სამართლებრივ საფუძვლებს.
წყარო: idfi.ge
