ახალგაზრდა კონსტიტუციონალისტები არჩევნების შესახებ
თბილისი. საქართველოს ახალგაზრდა კონსტიტუციონალისტთა ასოციაციამ ადგილობრივი თვითმმართველობის არჩევნების მეორე ტური შეაფასა. ორგანიზაცია არჩევნებს თბილისსა და რამდენიმე რეგიონში დააკვირდა. „12 ივლისს ხმის მიცემის პროცესმა მშვიდ გარემოში ჩაიარა და არსებით დარღვევებს ადგილი არ ჰქონია.
ამავდროულად, აღსანიშნავია ის მცირედი ინციდენტები და ტექნიკური ხარვეზები, რომლებიც უბნებზე ფიქსირდებოდა, თუმცა, როგორც პირველი ტურისგან, ისე, წინა საპრეზიდენტო არჩევნებისგან განსხვავებით ამ ხარვეზების მნიშვნელობა და სიხშირე გაცილებით ნაკლები იყო.. ხსენებული გარემოება მისასალმებელია და ქვეყანაში ზოგადად საარჩევნო სისტემისა და გარემოს გაჯანსაღებაზე მეტყველებს", ნათქვამია ორგანიზაციის გვერდზე.
წყარო: gyca.ge
