ადამიანის უფლებათა ცენტრის განცხადება
თბილისი. ადამიანის უფლებათა ცენტრი აქვეყნებს მიმართვას გლდანის მერვე სასჯელაღსრულების დაწესებულებაში ადვოკატების საქმიანობის უკანონო შეზღუდვის შესახებ. „ცენტრი შეშფოთებულია გლდანის მერვე სასჯელაღსრულების დაწესებულების ადმინისტრაციისა და თანამშრომელთა მიერ ადვოკატსა და მსჯავრდებულს შორის წერილობითი მიმოწერისა და ადვოკატის ჩანაწერების კონფიდენციალობის პრინციპის დარღვევის ფაქტების თაობაზე. ...ხშირია შემთხვევები, როცა მსჯავრდებულთან შეხვედრის წინ, ადვოკატის უსაფრთხოების კონტროლის გავლისას, დაწესებულების ადმინისტრაციისა და თანამშრომელთა მიერ ხორციელდება ადვოკატებისა და მათი დაცვის ქვეშ მყოფი მსჯავრდებულების წერილობითი მიმოწერისა და ადვოკატის წერილობითი ჩანაწერების არა მარტო ვიზუალური, არამედ შინაარსობლივი კონტროლიც". ნათქვამია განცხადებაში.
წყარო: www.humanrights.ge
