აჭარა. 7 აგვისტოს, ბათუმის საკონსტიტუციო სასამართლოში საზაფხულო სკოლის შემაჯამებელი შეხვედრა გაიმართა. საქართველოს საკონსტუტიციო სასამართლოს საზაფხულო სკოლის კონკურსის წესით შერჩეულმა 25-მა სტუდენტმა 10 დღე ბათუმში გაატარა. საუკეთესო 6 სტუდენტი კი ანაზღაურებად სტაჟირებას საქართველოს საკონსტიტუციო სასამართლოში გაივლის.  საკონსტიტუციო სასამართლო და ილიას სახელმწიფო უნივერსიტეტი საზაფხულო სკოლის პროგრამას 2008 წლიდან ახორციელებენ. სკოლაში ლექციების წასაკითხად სასექსის უნივერსიტეტის პროფესორები ჩამოდიან.