აჭარა. 21 აგვისტოს, ბათუმის დემოკრატიული ჩართულობის ცენტრში, შშმ პირთა უფლებების დამცვალმა ორგანიზაციამ ბრიფინგი გამართა. არასამთვრობო ორგანიზაცია „შეზღუდული შესაძლებლობების მქონე პირთა უფლებებისათვის" საქართველოს მთავრობას ინიციატივით მიმართავს მიიღოს შშმ პირთა დასაქმების შესახებ დადგენილება, სადაც გაწერილი იქნება კონკრეტული დამსაქმებლისა და დასაქმებულის ვალდებულებები, საჯარო სამსახურებში შშმ პირთა დასაქმების კვოტა. ორგანიზაციის ხელმძღვანელი მიიჩნევს, რომ აღნიშნული დადგენილება ხელს შეუწყობს მათი საცხოვრებელი პირობების გაუმჯობესებას. მთავრობას მოუწოდებენ არ დაიბეგროს იმ შშმ პირთა ხელფასი, რომელთა თვიური შემოსავალი 1000 ლარს შეადგენს. აღნიშნული ინიციატივების გატარების მოთხოვნით არასამთავრობო ორგანიზაციამ პრემიერ-მინისტრს წერილობით მიმართა.