„ბათუმის ეზოს ამბები“ 2014
აჭარა. 29, 30 და 31 აგვისტოს გაიმართა ღონისძიება „ბათუმის ეზოს ამბები". იგი უკვე მესამედ ჩატარდა და კულტურულ-სახელოვნებო ინიციატივაა. გამორჩეულია იმით, რომ მასში არტისტებთან ერთად იმ ქუჩის, ეზოს მცხოვრებლებიც ერთვებიან, რომელ ქუჩებზეც პროექტი ხორციელდება. წელს ასეთი ორი ქუჩა იქნა გამოყენებული - ქუთაისისა და საიათნოვას.
„ბათუმის ეზოს ამბების" იდეა და მიზანია გახადოს თანამედროვე ხელოვნება საზოგადოებისთვის უფრო ხელმისაწვდომი. ტრადიციული სივრცეებიდან საჯარო სივრცეში გადატანით თანამედროვე ხელოვნება ფართო საზოგადოებამდე მიიტანოს. პროექტის მხარდამჭერი აჭარის განათლების, კულტურისა და სპორტის სამინისტროა, ხოლო პროექტის პარტნიორი - თავისუფალ ჟურნალისტთა სახლი და „პრესკაფე".
