გურია. 2003 წლიდან საქართველოში დანიის მთავრობის პროექტი ხორციელდება, რომელშიც ეტაპობრივადჩართულია ნორვეგიისა და ისლანდიის ქვეყნები. პროექტის სახელწოდებაა „სახალისო ფეხბურთი". იგი ტარდება სამოქალაქო ომგამომვლილ ქვეყნებში.
როგორც საფეხბურთო სკოლის ხელმძღვანელმა დურმიშხან ჩხაიძემ განაცხადა, პროექტის მიზანია ომით დაზარალებულ ქვეყნებში ბავშვების (8-დან 12 წლამდე) სტრესული მდგომარეობიდან ფეხბურთის თამაშის საშუალებით გამოყვანა. აღსანიშნავია, რომ პროექტი არ ატარებს შეჯიბრის ხასიათს. მთავარია ამ ასაკის ბავშვებს შეაყვარონ სპორტის ეს სახეობა და დანერგონ ჯანსაღიცხოვრების წესი.
ლანჩხუთში საფეხბურთო სკოლის ეგიდით პროექტი მეთორმეტედ ტარდება. ღონისძიებაში მონაწილეობას იღებს 132 ბავშვი, 14 მწვრთნელი და 14 მომსახურე პერსონალი.