„საკადრო პოლიტიკა აჭარაში და მთავრობის უნდობლობის გამოცხადებისათვის მზადება უმაღლეს საბჭოში“
თბილისი. საერთაშორისო გამჭვირვალობა - საქართველომ ბლოგ-პოსტი - „საკადრო პოლიტიკა აჭარაში და მთავრობის უნდობლობის გამოცხადებისათვის მზადება უმაღლეს საბჭოში" - გამოაქვეყნა. „8 სექტემბერს აჭარის ავტონომიური რესპუბლიკის უმაღლესი საბჭოს ფრაქცია „ქართული ოცნების" 7 წევრმა ფრაქციის სხდომაზე მხარი დაუჭირა აჭარის ავტონომიური რესპუბლიკის მთავრობისადმი უნდობლობის საკითხის ინიცირებას. ინიციატივა 27 აგვისტოს აჭარის ავტონომიური რესპუბლიკის უმაღლესი საბჭოს საფინანსო და საბიუჯეტო და ეკონომიკურ საკითხთა კომისიის თავმჯდომარემ ალექსანდრე ჩიტიშვილმა გააჟღერა, ხოლო უნდობლობის გამოცხადების მიზეზად აჭარის განათლების სამინისტროში განხორციელებული საკადრო ცვლილებები და მურმან დუმბაძის გუნდზე მიზანმიმართული შეტევა დაასახელა", ნათქვამია ბლოგ-პოსტში.
წყარო: transparency.ge
