აჭარა. 12 სექტემბერს, აჭარის ა.რ ტურიზმის დეპარტამენტში 2015 წლის ბიუჯეტის განხილვა გაიმართა. ბიუჯეტის გეგმის მიხედვით, მომავალი წლიდან აჭარაში ტურისტული ცხელი ხაზის ამოქმედდება, ასევე იგეგმება ტურისტული საინფორმაციო დაფების განთავსებაც. მომავალ წელს დეპარტამენტი 3 პროგრამას განახორციელებს: ტურიზმისა და კურორტების სფეროს მართვა და დარგის ეფექტიანი განვითარების ხელშეწყობა, აჭარის ტურისტული მარკეტინგი ადგილობრივ და საერთაშორისო ბაზაზრე და ტურისტული პროდუქტებისა და სერვისების განვითარება. წარმოდგენილი პროგრამებიდან ყველაზე მეტი თანხა 2 625 000 ლარი მარკეტინგულ ღონისძიებებზე დაიხარჯება. ბიუჯეტის განხილვას მრჩეველთა საბჭოს წევრები და არასამთავრობო ორგანიზაციის წარმოადგენლები ესწრებოდნენ. სამომავლოდ მათ მიერ გამოთქული შენიშვნებისა და რეკომენდაციების გათვალისწინება და ბიუჯეტის კორექტირება მოხდება.