კახეთი. არასამთავრობო ორგანიზაციის ,,ბიზნეს ცენტრი კახეთი" ინიციატივითა და ორგანიზებით, თელავში, 5 დღიანი ტრენინგ კურსი - ,,ქალი, რომელიც იმარჯვებს" - მიმდინარეობს. სწავლების მიზანია  მონაწილე ქალებს ჩამოუყალიბოს მოტივაცია ცხოვრებისეული წარმატების, პიროვნული და ფიზიკური მომხიბვლელობის ზრდისათვის. სოსო მიქელაძე, ტრენერი:,,ტრენინგის პროცესში მონაწილეებს გაეზრდებათ თავდაჯერებულობა, გაუძლიერდებათ ემოციური მდგრადობა, თვითგამოხატვა, შინაგანი თავისუფლება, თვითანალიზისა და საკუთარი თავის მართვის უნარები.

ტრენინგის პროგრამაში შედის, როგორც ლექციური ნაწილი, ასევე სავარჯიშოები, თამაშები, ქეისების განხილვა, დავალებები და სხვა. სულ ჩატარდება 8 სემინარი და ტრენინგის ბოლოს გაიცემა სამოტივაციო აუდიო დისკი და სერტიფიკატი".