ნატურალური პროდუქტების გამოფენა–გაყიდვა
თბილისი. ქალთა ფონდი საქართველოში თავისი გრანტის მიმღებების მიერ ნაწარმოები ნატურალური პროდუქტის გამოფენა-გაყიდვას აწყობს.
ღონისძიების მიზანია საზოგადოებას გააცნოს ქალთა ფონდის პროექტის ”ქალთა ეკონომიკური გაძლიერება საქართველოს პოსტ-კონფლიქტურ ზონასა და ძნელად მისადგომ რეგიონებში” ძირითადი შედეგები და მიღწევები. პროექტი ხორციელდება ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით.
გამოფენა-გაყიდვას დაესწრებიან პროექტის მონაწილეები, რომლებიც წარმოადგენენ პროექტის ფარგლებში შექმნილ პროდუქტს, ხოლო სტუმრებს საშუალება ექნებათ ადგილზე შეიძინონ პროდუქტი.
გამოფენა–გაყიდვა გაიმართება 29 ოქტომბერს.
წყარო: ორგანიზაციის გვერდი სოციალურ ქსელში
