კახეთი. ლაგოდეხში ხელოვანი ქალების ნამუშევრების გამოფენა გაიმართა. იგი პროექტის „ქალი ხელოვანის" ფარგლებში მომზადდა, რომელსაც ფონდი „ლელი" აფინანსებს. ფონდი არასამთავრობო ორგანიზაცია „სამოქალაქო განვითარების ასოციაციის" (საგა) ბაზაზე შეიქმნა.
როგორც არასამთავრობო ორგანიზაციის წარმომადგენელი აცხადებს პროექტის მიზანია ლაგოდეხში მცხოვრები ხელოვანი ქალბატონების ნამუშევრების საზოგადოებისთვის გაცნობა, გააქტიურება და პოტენციალის რეალიზების ხელშეწყობა. ამ მიზნით შეგროვდა ხელოვანი ქალბატონების ბაზა და მათი ნამუშევრების გავრცელება საზოგადოებისთვის გაცნობა მოხდება როგორც ინტერნეტის საშუალებით, ასევე მომავალი გამოფენებით.