თბილისი. საქართველოს ახალგაზრდა იურისტთა ასოციაცია სამართალდამცავ ორგანოებს ისნის რაიონის გამგებლის მოადგილის მიმართ განხორციელებული სავარაუდო ზეწოლის ფაქტის გამოძიებისაკენ მოუწოდებს. ორგანიზაციამ განცხადება ვებ-გვერდზე გამოაქვეყნა. „საქართველოს ახალგაზრდა იურისტთა ასოციაციას სამართლებრივი დახმარებისათვის მომართა ქალაქ თბილისის ისნის რაიონის გამგებლის მოადგილემ, ბესიკ დონაძემ და განაცხადა, რომ სამსახურის დატოვების მოთხოვნით მასზე ზეწოლა ხორციელდება. ...მოვუწოდებთ სამართალდამცავ ორგანოებს, შეისწავლონ ბესიკ დონაძის მიმართ განხორციელებული ზეწოლა და მოახდინონ სათანადო რეაგირება სავარაუდოდ პოლიტიკური ნიშნით დისკრიმინაციის დაუშვებლობის, ადამიანის უფლებების დაცვისა და სამართლის უზენაესობის უზრუნველსაყოფად”, ნათვამია ორგანიზაციის გვერდზე.

წყარო: gyla.ge