აჭარა. 26 ოქტომბერს ბათუმის პრესკაფეში, აჭარის ავტონომიური რესპუბლიკის ხელოვანთა ნაწილმა გამართა დისკუსია,  თემაზე „კულტურის განვითარების ასპექტები აჭარის ავტონომიურ რესპუბლიკაში". დისკუსიის მიზანი იყო შესაბამისი საკითხების კვლევა, ანალიზი და პრობლემების გადაჭრის გზების მოძიება. შეხვედრას ესწრებოდნენ ადგილობრივი საზოგადოებრივი ორგანიზაციების, პოლიტიკური პარტიების და მედია საშუალებების წარმომადგენლები.  მომხსენებლების მხრიდან  ძირითადი  აქცენტი ბათუმის დრამატულ თეატრში, სახელმწიფო ტელევიზიასა და ბათუმის ხელოვნების უნივერსიტეტში  არსებულ პრობლემებზე გაკეთდა. აღნიშნული ორგანიზაციების პრობლემები, როგორც დისკუსიის ორგანიზატორებმა აღნიშნეს სწრაფად არის გადასაჭრელია, რათა ახალაგაზრდა ხელოვანებს თავიანთი ნიჭის წარმოჩენის შესაძლებლობა მიეცეთ.