ჰაინრიჰ ბიოლის ფონდის სამხრეთ კავკასიის რეგიონული ბიუროს და სახალხო უნივერსიტეტთა გერმანული ასოციაციისა (dvv international) საქმიანობებში გამოკვეთილი მიმართულებებია დემოკრატიული პოლიტიკური კულტურის ხელშეწყობა, საზოგადოების სამოქალაქო თვითშეგნების ამაღლება და აქტიური სამოქალაქო პოზიციის ჩამოყალიბება. ამ მიზნით ორივე ორგანიზაცია რეგულარულად აწყობს საჯარო დისკუსიებს და დებატებს, მათ შორის რეგიონებში, რომელთა წარმატება მნიშვნელოვანწილად დამოკიდებულია მოდერატორის/ფასილიტატორის პროფესიონალიზმსა და გამოცდილებაზე.

აღნიშნულის გათვალისწინებით, dvv international და ჰაინრიჰ ბიოლის ფონდი ატარებენ ტრენინგების ციკლს, რომლის მიზანია საჯარო დისკუსიებისა და დებატების მოდერირებისა და ფასილიტაციის უნარ-ჩვევების გამომუშავება. ტრენინგს ჩაატარებს გერმანელი ექსპერტი, დოქტორი ვერნერ მიულერი ("ტრანსფერი - კონსულტირება და კვალიფიკაცია", კიოლნი, გერმანიის ფედერაციული რესპუბლიკა). ტრენინგის დასასრულს გაიცემა საერთაშორისო სერთიფიკატი.

ტრენინგი ჩატარდება 2 ეტაპად, ა.წ. 25-27 ივნისს და 25-27 ოქტომბერს, გერმანულ-ქართული თარგმანით. მონაწილეთა მინიმალური ასაკია 25 წელი. უპირატესობა მიენიჭებათ მონაწილეებს რეგიონებიდან. ტრენინგში მონაწილეობა უფასოა.

ტრენინგში მონაწილეობის მსურველებმა უნდა გამოგზავნონ CV და სამოტივაციო წერილი მისამართზე: trainingmoderation@gmail.com 2013 წლის 15 მაისამდე. გთხოვთ, სათაურში მიუთითოთ: "ტრენინგი მოდერატორებისა და ფასილიტატორებისათვის".

წყარო:.ge.boell.org